Oseas 5

₈¡Pi'chiigui ana npe'te lasote lauataxaqui quiyi na'a' Gabaa

chaqai ana npe'te quiyi na'a' Ramá!

¡Raualaxailec yi na'a' Bet-avén!

¡Ñiiñi quiyim qaica ca ỹajnaxa quiyi 'laua Benjamín!

₉Ỹim sa'xat dajo taỹaugui nqaishin na ni'iquipi quena Israel

dá'maq sqaica ma' se ipaguigui quet ma'le:

yi Efraín qanomajñi ma'le quecajo na'xa'a, ma' novi' ca nouaxanaxaset.

₁₀Dajo 'naac ñi qara'gaxala':

Yi lashillipi yi Judá 'nejem ma'le so qomyipi,

ná'maq mashic napacalgoto naua lqodoco naua na'lauari.

¡Qam i'paxanlec nqaishin queda iuel!

₁₁Yi Efraín qaipataxañi ma'le

chaqai qarouootaxana'gue na lalamaxaret,

ma' se neme queetalec na nashiilqaipi.

₁₂Ma' ỹim shintari' ca pit ma'le quiyi Efraín,

'ec aỹim ca nichigaxanaq quena lalamaxareteripi so Judá.

₁₃Ma' yi Efraín iuana dá'maq chalego ralolaxa,

chaqai yi Judá ma' iuanalo naua lcoñiraxa',

ca' yi Efraín taigue ma'le ca Asiria,

ca' ỹashiila ñi nashi lodegaxat quiyim qaỹotauan,

qam ñi'maxare se ishit quiyim ỹomatec ma'le

chaqai se nataren na lcoñiraxa.

₁₄'Ec na sauaxaic leta'a quena' 'ue ñi i'guentalec,

ca' chaqaida shine'tegue ma' se'guentalec yi Efraín chaqai yi Judá;

chaqaỹim ná'maq sichaqatajlec ma'le,

ca ma' ime, ca' shic;

ca' ỹim secona'a ma'le, ca' qaica ca ishit ro'ootaxanlec.

₁₅Ca ma'le, ca' yapila na ỹoma',

chi ỹovireto'o' ma' yi'maxare no'uenegue da lasauaxaset,

ca' nanac idaanaque aỹim.

¡Ma' ỹovira'a da le'xoric, ca' idaanaque aỹim!