Isaías 41

₈Ñaq na'xaỹaxañi', qami' lalamaxaret so Jacob só'maq na'aamatec da Israel,

qami' ilaatec, ỹaatqajam qami' ica'acsec,

qamiri llaalqaipi so ñauochaxaua Abraham:

₉Ỹim ñaqatec qami' queda ñi'sa'gue qoỹoqo'tegue 'laua,

ỹaatqajam qoỹoqo'ta qami', qam soỹaxañiraxaua',

ca' shinac caqami': Ỹaatqajam qami' ilaatec,

ica'acsec qami', se lliỹoqa'piguit qami'.

₁₀Totaxan ro'chi'i', ma' qami' iỹaatac;

se ro'chi'i', ma' ỹim qota'olec caqami'.

Ỹim sa'ue ca rquesaxanaxa'e', ỹim sotauañi',

ỹim ñolliitañi qami' queda iqai'laxat huegaxanaxai.

₁₁Ná'ogue ná'maq qami' loquiiaxat,

nayiloxon ma'le chaqai nemanachit;

ná'maq reloquiñi'sac nagui,

ná'ogue nimiichiguiñi ma'le.

₁₂Daañisaque ma'le na npa'guenaxaua'e'ipi,

qam sqa nachita;

ná'maq nalauateta'pegue' qami'

'ec quiyim qaica ma'le.

₁₃Ma' ỹim, ỹim na'gaxala' qota'olec caqami',

ỹim secona da rqai'laxachi';

ỹim shinac caqami': Totaxan ro'chi'i', ỹim sotauañi'.