Proverbios 9

₁Da na'deenaxanaxa no'xonshiguim ca lauo',

siete nqai'ne' naua nenojnaxal;

₂ca ỹalauat na iseripi queca lqui'ỹaxac,

ỹa'maxatetañi ca no'uen lataxa,

ca' illaalec ca nqui'ỹaxala'.

₃Ca' ila' ana lelaatallipi quiyim ỹaualaq, nelamaxaren,

queugui yi na'a' lodegaxat, ca 'naac:

₄¡Naiquena qamii ne'naqaipi qaica ca rco'ỹaxariguii!

Ilata da la'qaatec ná'maq se na'xaỹaxan, ca 'naac:

₅Ỹalahi, qui'ii quena na'ic

chaqai ni'chii quena lataxa sa'maxatetañi.

₆'Xañiñi dá'maq quiyim se na'xaỹaxañii, qaiyi rca'lliiuec;

'ñiitari' ca qom 'deenaxanqachaqaic.

₁₃Da hualoxonqaishic 'neetari' aca 'aalo la'axaqa lo'o',

se naỹajan chaqai qaica ca ỹa'den.

₁₄Nqa'xanñigui aca nqa'xanaxaqui queca la'a'

quecá'maq paguec lishicshi'ma queca na'a' lodegaxat,

₁₅ca roỹaxanta'pegue' ná'maq huoxoiquipi,

ná'maq queeta'gue dá'maq no'uen ñicyaxac, ca 'naac:

₁₆¡Nahiquena ne'naqaipi qaica ca rco'ỹaxariguii!

Ilata da la'qaatec ná'maq qaica ca na'xaỹaxana, ca 'naac:

₁₇Na nocataxat huaxaỹaq paguec lo'daxa;

quena' qoỹoxotetañi na pan quiyim qaỹa'ic, paguec qanaman.

₁₈Qam caua'maxare se ỹa'deene' quiyim ca lalqaipi,

nagui, ca' ca la'al loiquenatec da nelauaxa.