Salmos 100

₁¡'Ueenaxañitalec da netoonaxaguii quiñi qara'gaxala',

qamiá'ogue ná'maq ñiitalec na 'laua!

₂Netooñitac quiyim nqouagaxaiñiỹot ñi qara'gaxala';

¡raualaxaitagui queda netoonaxaguii quiyim naguipegue' quiyi neeta'ñi!

₃'Yiiñi'a quiyim ñi qara'gaxala' chaqaiñi ñi qota'olec;

ñi'maxare qaro'uet, ca' qomi' lalamaxarete';

¡qomi' lalamaxarete' chaqai shinqatari' aca lalo qagreta quiyim qui'ỹaxantac!

₄Naguipegueto naua nasomi', noxoñiuo cañi lo'ueenaxanaxaqui,

'viiñita'uegue da remaqajnataxanaxahi chaqai da na'aachicyaxaguii.

¡'Ỹaañiỹot da na'aachiguii chaqai maqachiñii da leenaxat!

₅Ma' huagaxaraic ñi qara'gaxala';

se neme da le'xorenataxanaxa,

chaqai qaica lqodoc quiyim ipaquichiguilo naua la'qaatqa.