Salmos 14

₁Na se nouoguiñi 'neetapigui lauel qaica ñi qota'olec:

ná'ogue ỹo'meetajlec;

chalego la'aaxa na ỹo'ueetetac;

¡qaica quet cá'maq ỹo'uet ca ỹa'maqachiguiñi!

₂Ñi qara'gaxala' qota'olec na'iitañi queda piguim, ỹa'ajantac na qomyipi,

sha'apiguito' 'ue ca 'deenataxanaxai

ca' idaanaque ñi'maxare.

₃Qam ná'ogue quegue so ñicyaxac se no'uen;

ca ná'ogue 'neeta'oguit ỹo'meetajlec.

¡Qaica ca ỹo'uet ca ỹa'maqachiguiñi!

¡Ỹaatqajam ñaqai 'ue quet ca 'oonoqui'!

₄Qaica ca la'deenataxanaxac na hualoxonyipi,

ná'maq ỹahotaque ỹomato na ỹalamaxareteripi, 'ec ca qom ỹa'queetac ca pan,

ná'maq se ỹa'xat da leenaxat ñi qara'gaxala'.

₅I'loxol ma'le quena lqolonaxa,

ma' ñi qota'olec liỹaatac ná'maq na'xaỹaxane'ta ñi'maxare.

₆I'neetac dá'maq ỹahotaque na 'xoraiquipi,

qam ñi qara'gaxala' ro'ootaxanlec na'maxare.

₇¡Saxanchi' cada quemaralec qa' ladocai Sión

chicqojlec ca lca'laxa na llaalqaipi so Israel só'maq liỹa leenaxat da Jacob!

Ma' ñi qara'gaxala' ỹadalaxat ca iloxoỹaxane'tegue na lalamaxareteripi,

ca' netoon ma'le ná'ogue na lalamaxaret llaalqaipi so'maxare.