1Qaq soua llalqa so Aarón, nataqa'en huo'o so qaipa'axaneguet da ỹo'ot. Qaq soua llalqa so Aarón, le'enaxa't Nadab, Abiú, Eleazar qataq so Itamar. 2Qalaxaye soua Nadab qataq so Abiú, ileu' co'ollaq saxanaxa da ileu so lta'a, qaq soomaye qaica ca llale'c, nache so Eleazar qataq so Itamar, talec da no'onataxanaxac da ntaxaỹaxanaxanaqa.
3Qaq so Sadoc, som chegoxoguet so Eleazar, qataq so Ajimélec, som chegoxoguet so Itamar, itaua'n so David da naloqchiiñi da lo'onataxanaxac so ntaxaỹaxanaxanecpi. 4Qalaxaye souaxat da qalota som ỹalleppi llalaqpi so Eleazar, napacalec som llalaqpi so Itamar, nache so llalaqpi so Eleazar, qoỹanem so dieciséis da lataxala' som chegoxoguetpi so Eleazar, qataq ocho som nataxala'pi maye chegoxoguet so Itamar. 5Qaq co'ollaq qanaloqchiiñi somayepi, nache maicheye ñim taalec da lo'onataxanaxac, qaq cha'aye som chegoxoguetpi so Eleazar, qataq som chegoxoguetpi so Itamar, huo'o som taalecpi da nataxala'pi da huapegue' so ndaqa' maye sa saishetapec, qataq so 'amaqtaqaicpi nataxala'pi aso atamnaxaqui maye lalamaqte Ñim Lo'onatac 'Enauacna.
6Ime co'ollaxa nache so neraxanaxanec Semaías, maye llalec so Natanael, som leviita, ỹereñi co'ollaxa so le'enaxatpi somayepi, ỹauaachigui so nta'a, qataq so nataxala'pi, qataq so ntaxaỹaxanaxanec Sadoc, qataq so Ajimélec, maye llalec so Abiatar, qataq som lataxala'pi som llalaqpi som ntaxaỹaxanaxanecpi, qataq so leviitapi. Qaq dos da qaỹe'eguelaxaalec da qanaloqchiiñi da lo'onataxanaxac so llalaqpi so Eleazar, qataq 'oonolec da qanaloqchiiñi da lo'onataxanaxac so llalaqpi so Itamar. 7Qaq co'ollaq mashe qanaloqchiiñi da lo'onataxanaxac somayepi, nache chegoqchiguiña so hua'auchiguiñi nache ivitta'a so veinticuatro, qaq so hua'auchiguiñi, le'enaxat Joyarib, qaq som ca'atalecpi somaye: Jedaías, 8Jarín, Seroim, 9Malquías, Mijamín, 10Cos, Abías, 11Jesús, Secanías, 12Eliasib, Yaquín, 13Jupá, Jesebeab, 14Bilgá, Imer, 15Hezir, Pisés, 16Petajías, Ezequiel, 17Jaquín, Gamul, 18Delaía qataq so Magasías.
19Qaq 'era da 'eetec da qanaloqchiiñi da nmeeta'a't da lo'onataxanaxac somayepi, da huapegue' aso atamnaxaqui maye lalamaqte Ñim Nataxala', cha'aye nache 'eetec co'ollaxa da la'aqtac Ñim Nataxala' maye Natamnaxala' so Israel le'ecpi, co'ollaq ỹanem so Aarón, maye hua'au lta'a somayepi.
20Qaq 'ena na le'enaxatpi som laỹe leviitapi maye no'onañi, qataq som chegoxoguetpi: Subael, maye chegoxoguet so Amirán, Yejedías, maye chegoxoguet so Subael, 21Isías, som ỹe maye chegoxoguet so Rejabías, 22Selomot maye chegoxoguet so Isar, Yajat, maye chegoxoguet so Selomot, 23qaq som chegoxoguet so Hebrón: Jerías, Amarías, Jahaziel, qataq so Jecamán. 24Qataq ỹalectrauo nataqa'en soua Micaía, som llalec so Uziel, Samir, som llalec so Micaía, 25qataq so Isías, maye lqaỹa so Micaía, Zacarías, som llalec so Isías, 26Mali qataq so Musi, som llalqa so Merari, qataq soua llalqa so Jazías, maye nataqa'en llalec so Merari. 27Qaq som chegoxoguetpi so Merari, Soán, Zacur qataq so Ibrí, maye llalqa so Jazías, 28Eleazar, maye llalec so Mahli, qaq somaye, qaica co'ollaxa ca llalec, 29qataq so Yeramel, maye llalec so Cis, 30qataq so Mahli, Edar qataq so Jerimot, maye llalqa so Musi.
Qaq 'eso som llalaqpi so leviitapi, ỹataqtac som chegoxoguet lta'alpi. 31Qaq somayepi, nataqa'en qanaloqchiiñi co'ollaxa da lo'onataxanaxac, 'eeta'am som lqaỹañecpi maye llalaqpi so Aarón, ỹauaachigui qanqa'en so nta'a David, qataq so Sadoc, Ajimélec, qataq som lataxala'pi so llalaqpi so ntaxaỹaxanaxanecpi, qataq som leviitapi. Qaq som llalaqpi som ỹepi nqaỹañecpi, qalaq nache 'eeta'am qanqa'en da lataxac som llalaqpi so na'asa nqaỹañecpi.
