1 Crónicas 6

₁Qaq 'enaua naua le'enaqa'ate soua llalqa so Leví: Guersón, Quehat qataq so Merari.

₂Qaq soua llalqa so Quehat: Amirán, Isar, Hebrón qataq so Uziel. ₃Qaq soua llalqa so Amirán: Aarón, Moisés qataq aso María. Qaq soua llalqa so Aarón: Nadab, Abiú, Eleazar qataq so Itamar. ₄Qaq so Eleazar, nacheso so lta'a so Finés, qaq so Finés, nacheso so lta'a so Abisúa, ₅qaq so Abisúa, nacheso so lta'a so Buqui, qaq so Buqui, nacheso so lta'a so Uzi, ₆qaq so Uzi, nacheso so lta'a so Zeraías, qaq so Zeraías, nacheso so lta'a so Merayot, ₇qaq so Merayot, nacheso so lta'a so Amarías, qaq so Amarías, nacheso so lta'a so Ajitob, ₈qaq so Ajitob, nacheso so lta'a so Sadoc, qaq so Sadoc, nacheso so lta'a so Ajimaz, ₉qaq so Ajimaz, nacheso so lta'a so Azarías, qaq so Azarías, nacheso so lta'a so Johanán, ₁₀qaq so Johanán, nacheso so lta'a so Azarías, som ntaxaỹaxanaxanec aso atamnaxaqui maye no'oxoosheguem co'ollaxa so Salomón, naña ye Jerusalén. ₁₁Qaq so Azarías, nacheso so lta'a so Amarías, qaq so Amarías, nacheso so lta'a so Ajitob, ₁₂qaq so Ajitob, nacheso so lta'a so Sadoc, qaq so Sadoc, nacheso so lta'a so Salún, ₁₃qaq so Salún, nacheso so lta'a so Hilcías, qaq so Hilcías, nacheso so lta'a so Azarías, ₁₄qaq so Azarías nacheso so lta'a so Seraías, qaq so Seraías, nacheso so lta'a so Josadac. ₁₅Qaq so Josadac, noxonec co'ollaxa, nache qaỹauega ye ỹaqa'a 'alhua, co'ollaq Ñim Nataxala' ỹo'orauec som netaña ye Judá qataq ye Jerusalén, ỹachegoxotchigui so Nabucodonosor.

₁₆Qaq soua llalqa so Leví le'enaxa't: Guersón, Quehat qataq so Merari.

₁₇Qaq soua llalqa so Guersón: Libni qataq so Simea.

₁₈Qaq soua llalqa so Quehat: Amirán Isar, Hebrón qataq so Uziel.

₁₉Qaq soua llalqa so Merari: Mahli qataq Musi. Qaq se'esopi nacheso so llalaqpi so Leví.

₂₀Qaq som chegoxoguetpi so Guersón le'enaxat: Libni, Yajat, Zima, ₂₁Yoaj, Iddo, Zeraj qataq so Jeatrai.

₂₂Qaq som chegoxoguetpi so Quehat: Aminadab, Coré, Asir, ₂₃Elcana, Eliasaf Asir, ₂₄Táhat, Uriel, Uzías qataq so Saúl.

₂₅Qaq soua llalqa so Elcana le'enaxa't: Amasay qataq so Ajimot. ₂₆Qaq soua llalqa so Ajimot le'enaxa't: Elcana, Sofai, Náhat, ₂₇Eliab, Jeroán qataq so Elcana.

₂₈Qaq soua llalqa so Samuel le'enaxa't: Vasni, som ỹe llalec, qataq so Abías.

₂₉Qaq som chegoxogueta so Merari le'enaxa't: Mahli, Libni, Simea, Uzá, ₃₀Simea, Jaguías qataq so Asaías.

₃₁Qaq 'ena na le'enaxatpi som no'onaxanaxanecpi maye ỹaneuo co'ollaxa so David, da ilo'ogue da no'onaxanaxac da huaña aso atamnaxaqui maye lalamaqte Ñim Nataxala', chegoqta'a co'ollaq qoỹanaigui asomaye aso arca maye laỹe' soua nqataxaco. ₃₂Qaq somayepi, nale'ena co'ollaxa da do'onaxaatac da huaña so npe'l maye naỹonqa', nache ivitta'a co'ollaq so Salomón no'oxoosheguem aso atamnaxaqui maye lalamaqte Ñim Nataxala', naña ye Jerusalén, qaq somayepi nache queto'ot co'ollaxa de'era maiche lataxac da no'onaxanaxac, maye qalapaxañi co'ollaxa.

₃₃Qaq somayepi qataq so llalaqpi maye pa'aỹa'aguet da no'onaxanaxac, nache 'ena na le'enaxatpi: Nam chegoxoguetpi so Quehat, som no'onaxanaq Hemán, som llalec so Joel maye chegoxoguet so Samuel, ₃₄qataq so Elcana, Jeroán, Eliel, Toaj, ₃₅Suf, Elcana, Majat, Amasay, ₃₆Elcana, Joel, Azarías, Sofonías, ₃₇Táhat, Asir, Ebiasaf, Coré, ₃₈Isar, Quahat, Leví, Israel.

₃₉Qaq na aloic so Hemán, nache hueta'ague so lauo' le'ecpi somaye le'enaxat Asaf, maye chegoxoguet so Berequías, Sama, ₄₀Micael, Baseías, Malquías, ₄₁Etní, Zeraj, Adaías, ₄₂Etán, Zima, Simea, ₄₃Yajat, Guersón, Leví.

₄₄Qaq na ne'emaq so Hemán, nache hueta'ague so lauo' le'ec maye chegoxoguet so Merari: Etán, Qusí, Abdi, Maluc, ₄₅Jasabías, Amasías, Hilcías, ₄₆Amsi, Bani, Semer, ₄₇Mali, Musi, Merari, Leví.

₄₈Qaq so laỹe lauo' le'ecpi maye chegoxoguetpi so Leví, no'ona'aguet da ilo'ogue aso atamnaxaqui maye lalamaqte Ñim Lo'onatac 'Enauacna. ₄₉Qaq so Aarón qataq soua llalqa, nachesoua soua pa'aỹa'agueta ana qoỹaneuo nachetaqtaxanaqtepi, maye qaỹasaxalec naxa aso nca'atoxonaxalate, maye lmalate anam nachetaqtaxanaqte maye qaỹavigaxatta, qataq aso nca'atoxonaxalate da qaỹavigaxat na nchenaxanaxat. Qaq nataqa'en huetague' 'enauac nam no'onataxanaxacpi maye hueta'a yem ndaqa' maye sa qaishetapec, qataq da yaqto' qaỹapalaxat nam lasouaxashetpi so Israel le'ecpi, da yaqto' ipacchigui da lamaxasoxonaxac co'ollaxa so Moisés, maye lamaxashec Ñim Lo'onatac 'Enauacna.

₅₀Qaq som chegoxogueta so Aarón, le'enaxa't: Eleazar, Fisees, Abisúa, ₅₁Buqui, Uzi, Zeraías, ₅₂Merayot, Amarías, Ajitob, ₅₃Sadoc qataq so Ajimaz.

₅₄Qaq 'ena na 'alhuapi qataq nam loga'tpi nam hueta'api co'ollaxa som chegoxoguetpi so Aarón. Qaq som llalaqpi so quehatiitapi, taalec co'ollaxa da qoỹanem ye ₅₅Hebrón yem huaigui ye 'alhua Judá, lỹaueegue' na no'onaxapi maye lquia'aqa' so 'atetpi. ₅₆Qaq so Caleb, maye llalec so Yefune, qoỹanem so huaqta'a't nỹecpi, qataq no'onaxa, qataq som lauoreuapi nma'piolec. ₅₇Qaq som chegoxoguetpi so Aarón, qoỹanem som huaqta'a't nỹecpi maye ỹotta'a't naua nañalo maye ñe'eguenaqa'pi, maye naña ye Hebrón, Libna, Jatir qataq ye Estemoa, ₅₈Hilén, Debir, ₅₉Asán, qataq ye Bet Semes, qataq lỹaueegue' so no'onaxapi maye lquia'aqa' som 'atetpi. ₆₀Qaq nataqa'en qoỹanem som huaqta'a't nỹecpi maye ỹotta'a't naua nañalo maye lalamaxatpi so Benjamín, yem Geba, Alémet qataq ye Anatot, qataq lỹaueegue' som no'onaxapi maye lquia'aqa' som 'atetpi. Qaq da ima'a't se'eso huaqta'a't nỹecpi maye ỹotta'a't naua nañalo, nache ivi' trece, som qoỹanoigui som lauo' le'ecpi so Aarón.

₆₁Qaq so lauo' le'ecpi so Quehat, taalec da qoỹanem so diez huaqta'a't nỹecpi maye ỹotta'a't naua nañalo, maye lalamaxat som laỹe so maiche nalamaxat nhuo' le'ecpi maye chegoxoguetpi so Manasés. ₆₂Qaq som chegoxoguetpi so Guersón, nache qanaloqna'aguet ye lcata som lauo' le'ecpi da qoỹanem som trece som huaqta'a't nỹecpi maye ỹotta'a't naua nañalo, maye lalamaxatpi so lauo' le'ecpi so Isacar, Aser, Neftalí qataq som laỹe so maiche nalamaxat nhuo' le'ecpi maye chegoxoguetpi so Manasés, maye netalec ye Basán.

₆₃Qaq som chegoxoguetpi so Merari, nache qanaloqna'aguet ye lcata som lauo' le'ecpi, da qoỹanem so doce som huaqta'a't nỹecpi maye ỹotta'a't naua nañalo, maye lalamaxat so lauo' le'ecpi so Rubén, Gad, qataq so Zabulón.

₆₄Qaq so Israel le'ecpi ỹanem co'ollaxa so leviitapi, som huaqta'a't nỹecpi maye ỹotta'a't naua nañalo, qataq lỹaueegue' so no'onaxapi maye lquia'aqa'pi na 'atetpi. ₆₅Qaq nache taalec da qoỹanem som huaqta'a't nỹecpi, maye lalamaxat so lauo' le'ecpi so Judá, Simeón, qataq so Benjamín, som huaqta'a't nỹecpi maye ỹotta'a't naua nañalo maye mashe qaỹa'axattac. ₆₆Qaq huo'o so nhuo' le'ecpi quehatiitapi, som taalec da qoỹanem som huaqta'a't nỹecpi maye lalamaxat so chegoxoguetpi so Efraín. ₆₇Qaq nataqa'en qoỹanem ye Siquén, yem huaqta'a't nỹecpi maye ñe'eguenaqa', maye nalec añi qasoxonaxa ye Efraín, qataq lỹaueegue' som no'onaxapi maye lquia'aqa' som 'atetpi, qataq ye Guézer, ₆₈Jocmeán, Bet Jorón, ₆₉Ayalón, qataq ye Gat Rimón, qaq nache 'enauac yemaye da lỹaueegue' nam no'onaxapi maye lquia'aqa'pi som 'atetpi.

₇₀Qaq se'eso laỹe nhuo' le'ecpi quehatiitapi, qoỹanem som huaqta'a't nỹecpi maye ỹotta'a't naua nañalo ye Aner qataq ye Bileam, maye lalamaxat som laỹe so maiche nhuo' le'ecpi maye chegoxoguetpi so Manasés, lỹaueegue' nam no'onaxapi maye lquia'aqa'pi som 'atetpi.

₇₁Qaq som chegoxoguetpi so Guersón, qalaq qanaloqna'aguet ye lcata som lauo' le'ecpi da qoỹanem so huaqta'a't nỹecpi ye Golán, maye huaigui ye 'alhua Basán, qataq so huaqta'a't nỹecpi ye Astarot, maye lalamaxatpi co'ollaxa som laỹe so maiche nalamaxat nhuo' le'ecpi maye chegoxoguetpi so Manasés, qataq lỹaueegue' nam no'onaxapi maye lquia'aqa'pi som 'atetpi. ₇₂Qataq qoỹanem som lalamaxat som chegoxoguet so Isacar, Cedes, Daberat, ₇₃Ramot qataq ye Anem, nache lỹaueegue' nam no'onaxapi maye lquia'aqa'pi som 'atetpi. ₇₄Qataq qoỹanem som lalamaxat som chegoxoguetpi so Aser, yem huaqta'a't nỹecpi maye ỹotta'a't naua nañalo ye Masal, Abdón, ₇₅Jucoc qataq ye Rejob, qataq lỹaueegue' nam no'onaxapi maye lquia'aqa'pi som 'atetpi, ₇₆Qataq qoỹanem som lalamaxat som chegoxoguetpi so Neftalí, Cedes yem huaigui ye Galilea, Hamón qataq ye Quiriatayin, qataq lỹaueegue' nam no'onaxapi maye lquia'aqa'pi som 'atetpi.

₇₇Qaq som laỹepi maye chegoxoguetpi so Merari, nache qoỹanem yem lalamaxat so chegoxoguetpi so Zabulón, Rimón qataq ye Tabor, qataq lỹaueegue' nam no'onaxapi maye lquia'aqa'pi som 'atetpi. ₇₈Qaq yem lalamaxat som chegoxoguetpi so Rubén, nache qoỹanem yem pa'aỹa'ague da nala' lliguisheguem so tala Jordán, maye datatta ye Jericó, maye le'enaxat Beser, maye huaña ye toolec 'alhua, Yahás, ₇₉Cademot qataq ye Mefagat, qataq lỹaueegue' nam no'onaxapi maye lquia'aqa'pi som 'atetpi. ₈₀Qataq yem lalamaxat so lauo' le'ecpi so Gad, yem Ramot maye huaigui ye Galaad, Majanayin, ₈₁Jesbón, qataq ye Jazer, qataq lỹaueegue' nam no'onaxapi maye lquia'aqa'pi som 'atetpi.