1 Crónicas 7

₁Soua llalqa so Isacar, le'enaxa't: Tola, Puvá, Jasub qataq so Simerón, qaq da ima'a't nache ivi' cuatro.

₂Qaq soua llalqa so Tola, le'enaxa't: Uzi, Refaías, Jeriel, Yajemay, Ibsán qataq so Samuel, qaq 'enauaque soomaye da alaataxaiqa, 'añaxaiqa qataq nachesoua soua lataxala'ate som nhuo' le'ecpi, maye chegoxoguet so Tola. Qaq ye lcata somayepi co'ollaq nta'a so David, nache ivi' veintidós mil seiscientos.

₃Qaq so llalec so Uzi le'enaxat Israhías. Qaq soua llalqa so Israhías le'enaxa't Micael, Abdías, Joel qataq so Isías. Qaq da ima'a't nache cinco se'esoua nataxala'ate. ₄Qaq cha'aye qalota aso lhuapi somayepi qataq so llalaqpi, nache se'eso ỹotta'a't chegoxoguetpi som llalaqpi, nache chegaqaigui som qalota alleppi maye ỹaỹaten da nalaataxac, qaq somayepi ivi' treinta y seis mil.

₅Qaq da qanaloqteneuo som lauo' le'ecpi so Isacar, ye lcata som llalaqpi nache ivi' ochenta y siete mil se'eso alleppi, alaataxaicpi maye ỹataqta 'añaxaicpi.

₆Qaq so Benjamín, tres soua llalqa, le'enaxa't: Bela, Béquer qataq so Jediael.

₇Qaq so Bela, cinco soua llalqa, le'enaxa't: Esbón, Uzi, Uziel, Jerimot qataq so Irí, qaq 'enauaque soomaye lataxala'ate som lauo' le'ecpi, qataq alaataxaiqa qataq ỹataqta 'añaxaiqa. Qaq da ima'a't somayepi, nache ivi' veintidós mil treinta y cuatro.

₈Qaq soua llalqa so Béquer, le'enaxa't: Zemira, Joás, Eliezer, Elioguenay, Omri, Jerimot, Abías, Anatot qataq so Alémet. Qaq 'enauaque soomaye da llalqa so Béquer, ₉qaq da qanaloqten na nanettauo llalaqpi som chegoxoguetpi somayepi, qataq so lataxala'pi se'eso nhuo' le'ecpi, nache ivi' veinte mil doscientos ỹalleppi maye ỹataqta 'añaxaicpi.

₁₀Qaq so llalec so Jediael, le'enaxat: Bilán. Qaq soua llalqa so Bilán, le'enaxa't: Jeúz, Benjamín, Aod, Quenaná, Zetán, Tarsis qataq so Ajisajar. ₁₁Qaq 'enauac se'esopi chegoxoguet so Jediael, qataq somayepi nache lataxala'pi se'eso lauo' le'ecpi, somayepi alaataxaicpi qataq ỹataqta 'añaxaicpi. Qaq se'eso ỹalleppi ivi' diecisiete mil doscientos. ₁₂Qaq soua llalqa so Ir, le'enaxa't: Sufán qataq so Hufam. Qaq so llalec so Aher, le'enaxat Jusín.

₁₃Qaq soua llalqa so Neftalí, le'enaxa't: Yajesel, Guní, Jeser qataq so Salún. Qaq soomaye, nache chegoxogueta aso Bilhá.

₁₄Qaq soua llalqa so Manasés, maye llalqa aso ỹaqauga lhua maye Siria lashe, soomaye le'enaxa't: Asriel qataq so Maquir, som lta'a so Galaad. ₁₅Qaq so Maquir, huaroneguet co'ollaxa aso Macá, asom 'alo maye chegoxogueta so Hufam qataq so Sufán. Qaq so lỹa llalec so Maquir, le'enaxat Selofhad, qaq somaye ndoreñi 'alo soua llalel. ₁₆Qaq aso Macá, asom lhua so Maquir, huo'o so llalec, nache ỹanagui da le'enaxat Peres. Qaq so lqaỹa so Peres, le'enaxat Seres, qaq soua llalqa somaye le'enaxa't, Ulán qataq so Requén. ₁₇Qaq so llalec so Ulán, le'enaxat Bedán. Qaq somayepi nache llalaqpi so Galaad, maye llalec so Maquir, som llalec so Manasés.

₁₈Qaq aso Hamolequet maye lqaỹa so Maquir, nachaso aso late'e so Isod, Abiezer qataq so Mahlá.

₁₉Qaq soua llalqa so Semida, le'enaxa't Ahián, Siquén, Liquejí qataq so Anián.

₂₀Qaq som chegoxogueta so Efraín, le'enaxa't: Sutélah, Béred, Táhat, Eladá, Táhat, ₂₁Zabad, Sutélah, Ezer qataq so Elad. Qaq se'eso lma' ye Gad, ỹalaua't co'ollaxa soua Ezer qataq so Elad, souaxat da soomaye decachetrega som 'atetpi. ₂₂Qaq so Efraín, som lta'a soomaye, qaỹoqtrec co'ollaxa soua na'axa'te de'era lasouaxac, ỹoqo'oye anac co'ollaxa so lauo' le'ecpi da ỹa'añaqchet somaye. ₂₃Qaq co'ollaq ime de'era, nache somaye qaltaq lauañi' aso lhua, nache asomaye hualaxai, qaq co'ollaq deco'o nache ỹale so llalec, nache ỹanagui da le'enaxat Beria, cha'aye souaxat da huetalec so lma' da naquicoxo.

₂₄Qaq aso Seerá, maye llale so Beria, no'oxoosheguem co'ollaxa ye Bet Jorón, yem npa'aỹañi qataq ye pa'aỹasheguem, qataq ye Uzén Seerá.

₂₅Qaq som chegoxogueta so Beria, le'enaxa't Refaj, Resef, Telaj, Tahán, ₂₆Ladán, Amiud, Elisama, ₂₇Nun qataq so Josué. ₂₈Qaq som na'alhuapi qataq som netañapi somayepi, le'enaxat Betel, qataq som lauoreuapi nma'piolec, qataq ye Narán, maye pa'aigue da nala' lliguisheguem, qataq ye Guézer maye pa'aigue da avit, qataq ye Siquén, nache ivitta'a ye Ayah, qaq nache 'enauac se'eso huaqta'a't nỹecpi, qataq so lauoreuapi nma'piolec. ₂₉Qaq som chegoxoguetpi so Manasés, nacheso som ilotague' ye Bet Seán, Tanac, Meguido qataq ye Dor, qataq som lauoreuapi nma'piolec. Qaq se'eso nma'pi, nache netaña co'ollaxa so chegoxoguetpi so José, som llalec so Israel.

₃₀Qaq soua llalqa so Aser, le'enaxa't Imna, Isvá, Isví, Beria qataq aso Sérah, asom lqaỹa soomaye.

₃₁Qaq soua llalqa so Beria, le'enaxa't Jéber qataq so Malquiel, som lta'a so Birzavit. ₃₂Qaq so Jéber, nacheso so lta'a so Jaflet, Semer, Jotán qataq aso Súa, asom lqaỹa soomaye.

₃₃Qaq soua llalqa so Jaflet, le'enaxa't Pasac, Bimal qataq so Asvat.

₃₄Qaq soua llalqa so Semer, maye lqaỹa somaye, le'enaxa't Rogá, Yejubá qataq so Aram.

₃₅Qaq soua llalqa so Jotán, som lqaỹa somaye, le'enaxa't Sofaj, Imna, Seles qataq so Amal. ₃₆Qaq soua llalqa so Sofaj, le'enaxa't Súah, Harnefer, Súaj, Beri, Imra, ₃₇Beser, Hod, Sama, Silsa, Itrán qataq so Berá.

₃₈Qaq soua llalqa so Jéter, le'enaxa't Yefune, Pispa qataq so Ará. ₃₉Qaq soua llalqa so Ula, le'enaxa't Araj, Haniel qataq so Risiyá.

₄₀Qaq 'enauac somayepi da chegoxoguetpi so Aser, qaq somayepi nache lataxala'pi so maiche lauo' le'ecpi, somayepi alaataxaicpi, 'añaxaicpi qataq 'amaqtaqaicpi. Qaq da qanaloqten se'eso nanettauo llalaqpi somayepi, nache ivi' veintiséis mil ỹalleppi maye ỹataqta ỹaỹaten da nalaataxac.