1So nta'a Asuero, ỹauo'o co'ollaxa aso iỹaxanaique, da lsheetenaxanaqte so shiỹaxauapi maye netalec 'enauac so 'alhuapi maye ilotague' somaye, qataq aso ỹaqa'ata 'alhuapi aso auaxai. 2Qaq 'enauac so ỹo'otpi co'ollaq do'onataxana da 'enec, qataq da la'añaxac, qataq 'eeta'am nataqa'en dam 'eesa na'aqtaxanaxac, maye ỹa'axat da lta'araic lo'onataxanaxac maye ỹanem co'ollaxa so Mardoqueo, damaye qoỹerelec aso nere maye nanettalec 'enauac nam qaỹo'otpi co'ollaxa ye Media qataq ye Persia. 3Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.
