Salmos 100

₁Ỹataqta qauamaichiguiñi da qauo'onaxañiito'ot Ñim Nataxala',

'enauac qami' maye qoñiitalec ana 'alhua.

₂Ỹataqta qauamaichiguiñi da qavio'oxoyiñi Ñim Nataxala',

qataq qaua'alaqaitai' da qantonaxaqui da qauanaiua'a Ñimaye.

₃Qauauattoñiita da Ñim Nataxala' nacheñi Ñim Lo'onatac 'Enauacna,

Ñimaye qomi' lo'onataqa qataq qomi' lalamaqa'ate,

qomi' maye nhuo' le'ecpi, qomi' lalamaxatpi Ñimaye,

shenaqta'am aca lalo qaguetapi da hueta'a ca

lquia'axanataxanaqa' Ñimaye.

₄Qaunoxoñiiua'a ñi lasom añi atamnaxaqui da qaỹa'añi da qana'achecỹaxaqui,

qataq ye nqasoxoc da qaỹa'añi

da qayo'oxonnataxanaxaqui,

qaỹa'añim da qana'achecỹaxaqui qataq

qavio'oxoyiñi da le'enaxat Ñimaye.

₅Cha'aye Ñim Nataxala' ỹataqta soxoraic,

da lta'araic lauotaxanaqtaic chochaq tatec,

qataq chochaq tatec da saishet da nquic da lataxac.