Salmos 126

₁Ñim Nataxala' co'ollaq ñe'eguelaxata na Sión na noxonecpi,

nache 'eeta'am da choche sechoxonaqtac.

₂Huaña, nache ỹataqta lta'araic da qaraỹalliguiyec,

qataq so'onaxanaqtac souaxat da qantonaxac,

huaña nache ivira'a na laỹepi shiỹaxauapi, 'eeta':

«¡Ñim Nataxala' ỹataqta lta'araic da ỹo'otec namayepi!»

₃Aja', ỹataqta lta'araic da qomi' ỹo'oteque Ñim Nataxala',

ỹoqo'oye ñetonaqtapigui'.

₄'Am Nataxala' ñaq qomi' 'anqateeguesopa da qananoxonaguec,

nache qomi' 'avi'eguelaxa't, 'eeta'am da 'avi'eguelaxat na la'auaxacpi ca toolec 'alhua.

₅Qaq yaqto' nam nỹeetac co'ollaq danaxaatac,

ỹataqta ntootapigui' qome da nqat ca ala ca lañiguishec.

₆Qaq na'aictoxo' da nỹeetac co'ollaq ỹaatiguiñi aca lañiguishe ala,

qalaxaye da ñe'eguelaq qalaq do'onaxaatai' da ntonaxac

da nachetac aca laqta ala ca trigo.