Salmos 133

₁Ñaq qauloỹa da ỹataqta no'on qataq huo'o da lyac,

da ỹataqta nhuoteeta't na nqaỹañecpi.

₂'Eeta'am ca no'on coraxat maye qaicorelec na lqaic so Aarón,

nache ivittaña da naguingui ana lqa' laue,

anam lqa' laue somaye nache nviraña so loga't aso lapoto.

₃Qataq 'eeta'am na sheue da chegaqasheguema añi qasoxonaxa Hermón,

da naguiñi nache nvittaña añi qasoxonaxa ye Sión.

Cha'aye Ñim Nataxala', namaxa da lchoxonnataxanaxa,

qataq da chochaq tatec nca'alaxa.