Salmos 15

₁¿'Am Nataxala', negue'tom ca ishet da netaña ye 'aranataqa'?

¿Negue'tom ca ishet da netaña añim qui'itta 'anqasoxonaxa?

₂Nachecata ca qaica ca lasouaxashet,

qataq ỹo'ottac ca no'on lataxac, qataq ca ỹataqta 'eesora

naua 'ena'ape 'enauac da lquiyaqteỹaxac,

₃qataq ca saishet da ỹasaqtapeguelec ca qauem la'aqtac ca lỹa,

qataq saishet da huo'o ca ỹo'otec qauem ca nauochaxaua,

qataq saishet da inogoqchet ca lauoreua,

₄qataq cam ỹo'otan ca shiỹaxaua maye 'itchiguiñi da qaỹo'otan,

qalaxaye ỹo'oxoren ca huo'o naq 'enec naqa'en Ñim Nataxala',

qataq ca ipacchiguilo naua la'aqtaqa Ñimaye,

na'aictaxa da huo'otaq qauem ca ivireguet,

₅qataq ca ishet da ỹa'aalaxanaxanec ca lỹa aca alom,

qalaxaye saishet da naquitta'a da qanquigaxatsheguem aca'aca alom,

qataq ca saishet da ỹaconeguet aca nsheetenaqte

da qanshetaique huo'o ca qaỹo'otec ca qaica ca lasouaxashet.

Qaq ca nache 'eetec de'era, camaye saishet da huañi.