Salmos 54

₁Aỹem 'anca'alaxatec, 'Am Ñatamnaxala', souaxat da 'are'enaxat,

ñaq aỹem 'aueelec 'auo'onataxana da 'ara'añaxac.

₂'Am Ñatamnaxala', ñaq 'aua'axaỹa da ñatamnaxac,

qataq 'aua'axaỹalo naua ỹa'aqtaqa,

₃cha'aye na shiỹaxauapi maye ño'oxonnaxaicpi

qataq qaica ca iren, namayepi aỹem dataỹa'aguet,

nache huotaique da aỹem ỹalauat,

nam shiỹaxauapi maye qaica ca ỹanaigui Ñim Lo'onatac 'Enauacna.

₄Qalaxaye Ñim Lo'onatac 'Enauacna aỹem itauaatac,

Ñim Nataxala' nacheñi ñim aỹem nca'alaxattauec.

₅Qaq Ñimaye ỹo'ot qome da maiche talec

na qauemsat ne'ena ñepa'aguenaxauapi,

Qaq 'aupacchiguilo qome naua 'ara'aqtaqa

'Am Nataxala', 'aulaxachigui qome namayepi.

₆Qaq aỹem 'am sanot qome ca maiche ỹachetaqtaxanaxat,

qataq sho'oxoren qome da 'are'enaxat, maye ỹataqta 'onaxaic.

₇Cha'aye aỹem 'anca'alaxateeguesop 'enauac na ñequi'iguesat,

qataq sauaachigui da nanoxonaguec na ñepa'aguenaxauapi.