Salmo|Sal 124

₁Lhawuk tach'otnaj n'amehen.

Tä mälhyejtso,

athana is che Israel lhayis yok:

_2-3“Lhawuk tach'otnaj n'amehen.

Che kahäpeya Lhawuk,

y'anofwej t'at tä lhatayhfwas n'ailänhen,

tsi lhäy'e lhip tä fwitses lhamel.

₄Tehin'et iwoyek inät

tä hip'o'pe n'amel wet n'aichäj,

wet y'ach'ahihen p'ante

₅wet nilhokej n'amel y'attäy t'at.”

₆N'awunit Lhawuk tä niwahna n'amejen lhatayhfwas

yämthilek itäyhat n'amel.

₇Mat y'atfwayej, n'ate iwoye afwenche

tä tafwayej hin'ol tä t'uhläk ilän.

Niyäkw tä õyäyit n'amejen hiy'es

wet y'ekhen.

₈Lhawuk t'at tä tach'ot n'amehen,

häp lham tä lhenek pule lhäy'e honhat.