Salmo|Sal 125

₁Häp wichi tä t'ekhaye Lhawuk

hätet iwoye chenaj Sión,

ihit tä ihi wet nofwit'ala.

₂Hätet iwoye Jerusalén tä ihi chenhas lechowej,

häp wichi tä Lhawuk laka wichi

ihi t'at takweyey lechowej,

tälhe ifwalasna wet pajla'tha tiyäj'attsiy.

₃Niyat tä ni'isa pitajit'ala len'äyij

tä ihi honhatna tä Dios hiw'enho laka wichi.

Tsi chik pitaj len'äyij tä niyat,

Dios laka wichi lhaichufwenhiyejena m'ak tä ni'isa.

₄Iwuk, woyeje m'ak tä is

häp wichi tä isen,

wichi tä lajit lakeya.

₅Mat häp lhamel tä ile amej,

p'ajtej t'at wichi tä iwoye m'ak tä ni'isa.

Is chik letamsek iyej Israel.