Salmo|Sal 127

₁Chik Lhawuk kalhama chik yenlhi n'owukwe,

laha ihihit'a lechumet häp hin'ol tä yenlhi.

Wet chik äp Lhawuk kalhama chik t'uye hupuy,

isiyejt'a häp hin'ol tä t'uye

tä honatsi lhäy'e tä ifwala.

₂Lajit lahaya tä lenephä

tä kamaj honatsi wet letachumlhi,

wet äp leleyej tä honaj achumet

wet wuj tä let'el.

Tsi Dios t'at tä hiw'enho leles

m'ak tä iwatlä tä kamaj imähen.

₃Häp hin'o leles häpe t'at

t'awayhat tä tälhe Lhawuk,

häp Lhawuk lakäpfwayaj tä isen.

₄Häp hin'o tä mamse wuj tä isej leles,

hätet iwoye lech'ähal tä ihi takwey

tä iwo laka'tshayaja.

₅Lakäjyaj ihi hin'o tä wujpe leles

tä häte iwoye täjtso.

Tsi lhamlak ikalhi iyhäj tä tatayhlä

tä ihi tä n'okalelhthayajwos tatache,

wet len'äfwlhi ihihit'ala.