Lhawuk häpe Niyat tä lewujyaj ihi
1Imälhewek honhat lhäy'e m'ak tä ihi,
lewuk t'at häp Lhawuk.
2Tsi lham yenlhi honhat lefwetes
wet iti'pe lewomekitas lhäy'e tewok lhayis.
3¿Atsi tä ikalhi yämthilek
taw'ulhpe chenaj tä lewuk Lhawuk?
¿Wet atsi tä ikalhi yämthilek
ihi Lhawuk Lew'et tä T'amajchet?
4Häp elh tä is alhoho wet lehusek ts'ilak,
wet nin'okwiyayej n'ocheyä tä õyen häpeya dios,
wet lhämet che iwoye, iwohiyet'ak niwoyaye.
5Häp Lhawuk tä häpe laka Dios wet Lefwayhthi
takäpfwayhiyejela le'isyaj.
6Häp tä is che mälhyejtso
häp lhamel tä t'ukwe
lham tä häpe Jacob laka Dios.
7¡Afwoyenchehen, huppelis tä pajchehen!
¡Afwoyenchehen wet wo n'äyija
Niyat tä lewujyaj ihi yämthilek tiyäjche!
8¿Atsi tä häpe Niyattso tä lewujyaj ihi?
¡Häpe t'at Lhawuk, Hin'o tä takhajay!
¡Häpe Lhawuk, Hin'o tä takhajay
tä ihi n'oka'tshayaj!
9¡Afwoyenchehen, huppelis tä pajchehen!
¡Afwoyenchehen wet wo n'äyija
Niyat tä lewujyaj ihi yämthilek tiyäjche!
10¿Atsi tä häpe Niyattso tä lewujyaj ihi?
¡Häpe Lhawuk tä laj letumfwaya,
häp tä Niyat tä lewujyaj ihi!
