Salmo|Sal 3

₁¡Iwuk, wujpey otayhfwas,

wujpey lhamel tä tatay n'ohlä!

₂¡Wujpey wichi tä yok,

“Dios tek ifwayhthila”!

₃Mat am, Iwuk, ahäpe ofwamthi.

Lewujyenn'o wet leneyhatphä olhetek tä lekhajyenn'o.

₄Ot'änch'oye Lhawuk,

wet nichulh n'oho tä i'pe

laka chenaj tä t'amajchet.

₅Olhaithat katsi wet omä.

Tä on'om, ois t'at,

tsi Lhawuk t'u n'oye.

₆Onowayhiyet'a nifwotaj tä wuj

tä oihi lechowej tä t'uhläk inu n'oye.

₇¡Iwuk, nephä!

¡Fwayhatn'o, ika Dios!

Let'ajenla lech'alos häp otayhfwas,

lenäksihena letsotey häp wichi tä ni'isahen.

₈Am, Iwuk, ahäpe N'ofwayhthi.

¡Käpfwayeje le'isyaj häp aka wichi!