Salmo|Sal 47

₁Nilhokej wichi tä i'pe honhat, ajwek akwech'ol,

fwitsenej achos tä akäjyaj ihi

wet wunit häp Dios.

₂Tsi Lhawuk häpe N'owujtaj tä lajit letumfwaya

wet honhat laka Niyat tä Lhamya.

₃Ikalhi wichi tä w'enha lhamejen

wet yen häpeya n'amel lhakawos.

₄Itshupyenej n'amehen honhat tä y'ehina,

häp lhaka honhat tä n'akäsejwethä

n'amel tä n'ahäpe Jacob laka wichi,

häp hin'o p'ante Dios ihumin.

₅¡Lhawuk Dios tiyäjo leniyatyaj!

¡T'änhen wichi tä lakäjyaj ihi

wet pitsaje n'ofwolis tä tson'ataj ch'ul!

₆¡Choywethä wet wunit Dios!

¡Choywethä, wunit lhaka Niyat!

₇¡Tenay lhatenkay tä iwunit Dios

tä häpe honhat laka Niyat!

₈¡Dios häpe wichi tä ihiche honhates laka Niyat,

wet tatayphä tä ihi leniyatyaj tä t'amajchet!

₉Häp hin'ol tä len'ohyajay ihiche

lhaihutej wichi tä Lewuk Abraham laka Dios.

₁₀Tsi nilhokej n'okhajyhayajay tä ihonhatena

Lewuk t'at Dios wet niyatej nilhokej m'ayhay.