1Dios, p'altsen n'ohen
wet ti n'oyejen akäpfwayaj tä is,
häpkhilek ha'isyaj n'äl tä in'oyejen,
2häpkhilek wichi tä i'pe honhat
ihanej ihi am anech'ethayaj,
wet hiw'en akhajyhayaj tä wuj
tä lefwayhat olhamel.
3¡Dios, is chik wichi tä i'pe honhat aiwunit!
¡Is chik aiwunit nilhokej wichi!
4Is chik nilhokej wichi t'änhen tä lakäjyaj ihi,
tsi is alhoho akalelhthayaj tä letiyej lhamel
wet alhen Lewoyayej.
5¡Dios, is chik wichi tä i'pe honhat aiwunit!
6Iche t'at häp lhay tä ihi honhat.
Lhaka Dios takäpfwayej n'amehen m'ak tä is.
7¡Is chik Dios takäpfwayejpej n'amehen m'ak tä is!
¡Is chik nilhokej wichi tä i'pe honhat iwunit häp lham!
Your browser does not support HTML5 audio.
