1Iwuk tä olhamel oka Niyat,
¡matche tä nilhokej wichi tä i'pe honhat itoyen ame!
¡Awujyaj y'aje lhip tä iw'echehi pule!
2Häp tä isej nä'tshas
lhäy'e iyhäj tä tiphen tä aiwunit,
lhenlhi akhajyhayaj tä lhehi tä atayhfwas itayche,
yämthilek lehämit lhamel
tä niwoyaye ämet wet itay ahilä.
3Tä oyahin pule tä akwey lhenek,
lhäy'e iwel'a lhäy'e katetsel tä letihi lew'etes,
4otichunhayaj yok,
¿Chipte tä lhen atichunhayaja hin'o?
¿Atsi m'ak tä häpe? Tsi hin'o t'at,
¿wet chipte tä lhen alhakliya?
5Lhene elh tä tatäy lhimphaj wet lhen häpeya dios,
leti'pe lewujyaj lhäy'e len'ohyaj.
6Lhen niyatayej akwey lhenhay,
wet nilhokej m'ayhay tä letichufwi lepach'ol,
7tson'atas, weyis,
lhäy'e nilhokej tshätäy tä fwitses,
8afwenchey, w'ahat lhayis,
lhäy'e nilhokej m'ayhay iyhäj tä ihi inät.
9Iwuk tä olhamel oka Niyat,
Your browser does not support HTML5 audio.
