Job 25

₂«Da la'añaxac Ñim Lo'onatac 'Enauacna ỹataqta huo'o da lchec,

Ñimaye lapaxañi da nlagaxayec na piguem.

₃Qaq na nalleppi Ñimaye qalaq qaica ca ishet da naloqten,

na le'eraxa icoỹarelec 'enauacna.

₄Qaq ¿peta'a huo'o ca choche shiỹaxaua,

da 'enapec no'on da lataxac, qataq qaica ca ỹasouaxat

da ỹauaachigui Ñim Lo'onatac 'Enauacna?

₅Ye Ñimaye da ilota'a ñi ca'agoxoic

qalaq saq 'amaqtaq na le'eraxa,

qataq da ilota'a ana huaqaañipi qalaq 'omalec na le'eraxa,

₆¡qaq taloxoche sa nache 'eeteco' na shiỹaxauapi,

maye 'eeta'am na qoche'lolec da qaica ca naigui!»