Ye lcata so nta'alpi maye loxonecpi so Moisés
1Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.
2Som Sijón maye lta'a so amorreopi maye naña ye Jesbón. Qaq som ilotague'pi somaye nache chegoqchiguiña so huaqta'a't nỹecpi ye Aroer, nache ivitta'a so loigue so tala Arnón, qataq chegoqchiguiña so laiñi so ca'amapega't, nache ivitta'a so tala Yaboc, maye chegoqchiguiña som na'alhuapi so amoniitapi. 3Nataqa'en ivira'a so pa'aỹa'ague da avit so Tala Jordán, chegoqchiguiña aso Lapel Quinéret, nache ivitta'a aso Auaxai Leuaxai, maye pa'aỹa'ague da la'añaxa, nache ivitta'a ye Bet Yesimot, qataq añi qasoxonaxa Pisga.
4Nataqa'en ỹacona so na'alhua so Og, som nta'a ye Basán, qaq somaye nache pa'atec som chegoxoguetpi so refaiitapi, qaq somaye naña ye Astarot, qataq ye Edrey. 5Qaq so ilotague'pi somaye nache chegoqchiguiña añi qasoxonaxa Hermón, maye pa'aỹa'ague da sheu', qataq chegoqchiguiña ye Salca maye pa'aỹa'ague da nala' lliguisheguem, qataq 'enauac ye 'alhuapi ye Basán, nache ivitta'a so loga't ye 'alhua Gesur, qataq ye Macá, maye pa'aỹa'ague da avit, nache ivitta'a so laỹe ye 'alhua Galaad maye lalamaxat so Sijón, som nta'a ye Jesbón.
6So Moisés qataq so Israel le'ecpi loxonqa co'ollaxa se'esoua nta'al, ỹoqo'oye so Moisés ỹanem co'ollaxa se'eso 'alhuapi so maiche nhuo' le'ecpi maye chegoxoguet so Rubén qataq so Gad, qataq so laỹe som maiche nhuo' le'ecpi maye chegoxoguet so Manasés.
Ye lcata so nta'alpi maye loxonecpi so Josué
7Qaq 'eso so nta'alpi maye loxonecpi co'ollaxa so Josué qataq so Israel le'ecpi, qaq so na'alhuapi somayepi pa'aỹa'ague da avit so tala Jordán, nache chegoqchiguiña ye Baal Gad, qataq so ca'amapega't ye Líbano, nache ivitta'a añi qasoxonaxa Halac maye saqaỹapeque ye Seír. Nache so Josué ỹami' co'ollaxa ñi 'oonolec so maiche nhuo' Israel le'ecpi so na'alhuapi co'ollaxa se'eso nta'alpi, da yaqto' ỹauo'o lalamaxat naqa'en somayepi. 8Qaq se'eso 'alhuapi huo'o ana qasoxonaxapi, qataq so nalochiguiñi 'alhuapi, qataq so ca'amapega't ye Jordán, qataq naua nashecrañi laỹel se'eso 'alhua, qataq so toolec 'alhua, qataq ye Néguev. Qaq se'eso 'alhua nache lalamaxat co'ollaxa som hitiitapi, amorreopi, Canaán le'ecpi, ferezeopi, heveopi qataq so Jebuseopi.
9Qaq 'ena nam le'enaxatpi se'eso nta'alpi maye noxonecpi co'ollaxa: Som nta'a ye Jericó, qataq so nta'a ye Ai, yem huaqta'a't nỹecpi maye sa qaỹapeque ye Betel, 10qataq so nta'a ye Jerusalén, qataq so nta'a ye Hebrón, 11qataq so nta'a ye Jarmut, qataq so nta'a ye Laquis, 12qataq so nta'a ye Eglón, qataq so nta'a ye Guézer, 13qataq so nta'a ye Debir, qataq so nta'a ye Guéder, 14so nta'a ye Jormá, qataq so nta'a ye Arad, 15so nta'a ye Libna, qataq so nta'a ye Adulán, 16qataq so nta'a ye Maceda, qataq so nta'a ye Betel, 17qataq so nta'a ye Tapuaj, qataq so nta'a ye Jéfer, 18qataq so nta'a ye Afec, qataq so nta'a ye Sarón, 19qataq so nta'a ye Madón, qataq so nta'a ye Jazor, 20qataq so nta'a ye Simerón, qataq so nta'a ye Acsaf, 21qataq so nta'a ye Tanac, qataq so nta'a ye Meguido, 22qataq so nta'a ye Cedes, qataq so nta'a ye Jocneán maye huaigui ye Carmelo, 23qataq so nta'a ye Dor, maye hueteua'a na loigue aso Auaxai Late'erai, qataq so nta'a ye Goím, maye huaigui ye Gilgal, 24qataq so nta'a ye Tirsa. Qaq da ima'a't ye lcata se'eso nta'alpi nache ivi' treinta y uno.
