Números 26

₁Qaq co'ollaq ime, so nleuaxa maye qaiuaxanec somayepi, nache Ñim Nataxala' 'enapega so Moisés, qataq so ntaxaỹaxanaxanec Eleazar som llalec so Aarón, 'eeta':

₂«Qauo'oche qome ca naneraguec, 'enauac na Israel le'ecpi cam ivi' qataq napacalec naua veinte vi'iye, maye mashe ishet da nalat. Qaq camayepi ỹataqtac qanqa'eñi cam chegoxoguetpi lta'alpi.»

₃Nache so Moisés qataq so ntaxaỹaxanaxanec Eleazar, detaxairapegue' somayepi, huaña ye no'onaxa ye Moab, maye sa qaỹapeque ye tala Jordán, yem nalotta ye Jericó, 'eeta': ₄Qai'iyiiuo qome 'enauac na ivi' qataq na napacalec naua veinte vi'iye, nache ipacchigui qanqa'eñi da lamaxasoxonaxac Ñim Nataxala' maye ỹamaxalec da Moisés. Qaq 'ena nam llalaqpi so Israel maye chegoqchiguiña co'ollaxa ye Egipto:

₅So Rubén maye la'auaxanec llalec so Israel, 'esoua soua llalqa: Enoc, Falú, ₆Jesrón qataq Carmi. ₇Nache ye lcata se'eso nereguishecpi maye chegoxoguet so Rubén, ivi' ye cuarenta y tres mil setecientos treinta ỹalleppi. ₈Qaq so Falú, 'oonolec so llalec, Eliab, ₉nache so Eliab, llalec so Nemuel, Datán qataq Abirán. Qaq se'eso Datán, qataq so Abirán, soomaye ỹalectraigui co'ollaxa so laỹepi so Coré, maye dataỹa'aguet co'ollaxa Ñim Nataxala', qataq Moisés qataq so Aarón. ₁₀Qalaxaye co'ollaq nauachigui na 'alhua, nache soomaye, tayengui so lpoxoỹaxa na 'alhua l-llañeto so Coré, qataq 'enauac so laỹepi nache ileu. Qaq se'eso norec ỹalauat co'ollaxa so doscientos cincuenta ỹalleppi. Qaq de'era, qanayeuaigui, nachera da la'anaxat da nhuaxanaguec da huo'o ca sa ỹalaq. ₁₁Qalaxaye so llalaqpi so Coré saishet co'ollaxa da ileu.

₁₂Qaq so Simeón, 'esoua soua llalqa, Nemuel, Jamín, Jaquín, ₁₃Zeraj qataq so Saúl. ₁₄Nache ye lcata se'eso nereguishecpi maye chegoxoguet so Simeón, ivi' ye veintidós mil doscientos ỹalleppi.

₁₅Qaq so Gad, 'esoua soua llalqa, Sefón, Jaguí, Suni, ₁₆Ozní, Eri, ₁₇Arod qataq so Areli, ₁₈nache ye lcata se'eso nereguishecpi maye chegoxoguet so Gad, ivi' cuarenta mil quinientos ỹalleppi.

₁₉Qaq soua llalqa so Judá, Er qataq so Onán ileu' co'ollaxa huaña ye Canaán. ₂₀Qaq so llalaqpi so Judá, nache chegoxogueta soua Selá, Fares qataq so Zeraj. ₂₁Qaq soua llalqa so Fares, Jesrón, qataq Jamul. ₂₂Nache ye lcata se'eso nereguishecpi maye chegoxoguet so Judá, ivi' setenta y seis mil quinientos ỹalleppi.

₂₃Qaq som chegoxoguetpi so Isacar, maye chegoxogueta soua, Tola, Fuvá, ₂₄Jasub, qataq Simerón, ₂₅nache ye lcata se'eso nereguishecpi, maye chegoxoguet so Isacar, ivi' sesenta y cuatro mil trescientos ỹalleppi.

₂₆Qaq soua llalqa so Zabulón, Sered, Elón qataq Yajelel. ₂₇Nache ye lcata se'eso nereguishecpi maye chegoxoguet so Zabulón ivi' sesenta mil quinientos ỹalleppi.

₂₈Qaq so José, 'eso so ỹataqtac llalaqpi, maye chegoxogueta so Manasés qataq Efraín. ₂₉Nache so Manasés llalec so Maquir. Qaq so Maquir llalec so Galaad, ₃₀qaq 'esoua soua maiche lalamaqa'ate llalqa so Galaad, Yézer, Jélec, ₃₁Asriel, Siquén, ₃₂Semida qataq Jéfer. ₃₃Qaq so Jéfer, nache llalec so Selofejad, maye qaica ca llalec ỹale nda'a't soua 'alo, qaq da le'enaxa't soomaye, Malá, Nogá, Joglá, Milca qataq Tirsa. ₃₄Nache ye lcata se'eso nereguishecpi maye chegoxoguet so Manasés ivi' cincuenta y dós mil setecientos ỹalleppi. ₃₅Qaq so Efraín, soua llalqa, Sutelaj, Bequer qataq Taján. ₃₆Nache 'eso so ỹataqtac llalaqpi so Sutelaj, maye chegoxoguet so Erán. ₃₇Nache ye lcata se'eso nereguishecpi maye chegoxoguet so Efraín ivi' treinta y dos mil quinientos ỹalleppi. Qaq 'eso so ỹataqtac ñalaqpi maye chegoxoguet so José.

₃₈Qaq so Benjamín, 'esoua soua llalqa: Bela, Asbel, Ajirán, ₃₉Sufán qataq Jufán. ₄₀Qaq so Bela, llalqa soua Ard qataq Namán. ₄₁Nache ye lcata se'eso nereguishecpi maye chegoxoguetpi so Benjamín, ivi' cuarenta y cinco mil seiscientos ỹalleppi.

₄₂Qaq so Dan, llalec so Suján. ₄₃Nache ye lcata se'eso nereguishecpi maye chegoxoguet so Suján, ivi' sesenta y cuatro mil cuatrocientos ỹalleppi.

₄₄Qaq so Aser, soua llalqa: Imna, Isví qataq so Beria. ₄₅Qaq so Beria, llalqa soua Jéber qataq so Malquiel. ₄₆Qaq se'eso Aser, huo'o aso llale 'alo, le'enaxat Será. ₄₇Nache ye lcata se'eso nereguishecpi maye chegoxoguet so Aser ivi', cincuenta y tres mil cuatrocientos ỹalleppi.

₄₈Qaq so Neftalí, soua llalqa: Yasesel, Guni, ₄₉Yezer, qataq so Silén. ₅₀Nache ye lcata se'eso nereguishecpi maye chegoxoguet so Neftalí, ivi' cuarenta y cinco mil cuatrocientos ỹalleppi. ₅₁Qaq da ima'a't so nereguishecpi Israel le'ecpi, nache ivi' seiscientos un mil setecientos treinta ỹalleppi.

₅₂Qaq Ñim Nataxala', 'enapega so Moisés, 'eeta':

₅₃«Ne'ena 'alhua da 'aỹa'anec, nache ỹataqtac 'anqa'en da 'aỹa'anem ca lalamaxat na maiche nalamaxat nhuo' le'ecpi maye mashe qoỹettañi. ₅₄Nache na ỹataqta qalota nhuo' le'ecpi, lta'araic 'anqa'en ca 'anem, qaq na sa 'amaqtaq, nache saq 'amaqtaq ca 'anem qome. Qataq da 'anec na 'alhua, nache 'aualleta'aguet qome ye lcata na ñiyiguishecpi. ₅₅Qaq da 'aỹa'anec na 'alhua, nache 'auo'ot ca alletaxac. Qataq 'aulo'oguet ye lcata na ñiyiguishecpi, ỹataqtac na maiche nalamaxat nhuo' le'ecpi. ₅₆Nache 'enauac ne'ena qalota qataq na saq 'amaqtaq, na maiche nalamaxat nhuo' le'ecpi, nache 'auota'a qome ca alletaxac da 'aỹa'anem ca nalota'ai' 'alhua.»

₅₇Qaq so ñiyiguishec leviitapi maye, chegoxoguet so Gersón, Coat, qataq so Merari. ₅₈Qaq so maiche nalamaxat nhuo' le'ecpi lebniitapi, hebroniitapi, maliitapi, musiitapi qataq so coreiitapi, somayepi nataqa'en chegoxoguet so leviitapi. Qaq so Coat nache lta'a so Amirán ₅₉Qaq so Amirán huaroneguet co'ollaxa aso Jocabed, maye llale so Leví, co'ollaq ñaq netaña ye Egipto. Nache so Amirán qataq aso Jocabed nachesoua soua lta'al so Aarón, Moisés qataq aso María. ₆₀Qaq so Aarón, nache llalqa soua Nadab, Abiú, Eleazar qataq so Itamar. ₆₁Qalaxaye so Nadab qataq so Abiú, ileu' co'ollaxa huaña ye lanataqa' Ñim Nataxala', souaxat da deca'atoxoora so ỹaqa'a norec. ₆₂Qaq ye lcata so ỹalleppi maye chegoxoguet so Leví, som ivi' qataq napacalec ye 'oonolec ca'agoxoic, ivi' veintitrés mil. Qaq somayepi saishet co'ollaxa da qaỹalecnoigui so laỹe Israel le'ecpi maye qoỹiyiñi, cha'aye saishet da qaỹauo'o ca qoỹanem lalamaxat na'alhua.

₆₃Qaq 'eso so lereguishecpi so Moisés qataq so ntaxaỹaxanaxanec Eleazar, co'ollaq huaña ye nalochiguiñi 'alhua ye Moab yem sa qaỹapeque ye Jordán qataq nalotta ye Jericó. ₆₄Qaq 'enauac se'eso ỹalecta'a'tpi qaica ca 'oonolec da ỹalectauo co'ollaq so Moisés qataq so Aarón ỹo'ottrac da naneraguec so Israel le'ecpi co'ollaq huaña ye toolec 'alhua ye Sinaí, ₆₅cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi.