Salmos 123

₁'Am Nataxala', aỹem 'am samato'ot,

'am maye qonetasheguema na piguem.

₂'Eeta'am ca nlatac da ilochiguilo naua lhuaxaye ca na'aco',

qataq 'eeta'am aca nlata da ilochiguilo naua lhuaxaye aca na'acoro,

qaq nache 'eeteque naua qara'a'ite

da ỹamatto'ot Ñim Nataxala' maye Qanatamnaxala',

choche ivitta'a da qomi' ichoxore'n.

₃Ñaq qomi' 'auchoxore'n 'Am Nataxala', ñaq qomi' 'auchoxore'n

cha'aye mashe sa ñaloxoguet da qansheunaguec.

₄Qataq mashe ỹaguec da ñeque'eenaqtapigui

da le'enaxanaxac na sallaxanecpi, qataq da lo'otanaxanaxac na ño'oxonnaxaicpi.