Salmos 129

₁Aỹem, ỹataqta qalota na ñeque'eenaxacpi,

chegoqta'a co'ollaq ñaq aỹem nsoqolec

qaq nagui na Israel le'ecpi ishet da 'enapec.

₂Aỹem ỹataqta qalota na ñeque'eenaxacpi,

chegoqta'a co'ollaq ñaq aỹem nsoqolec,

qalaxaye saishet da aỹem noxonec.

₃Na ilaq qalaq quelec naqa'en so na'arau na 'arau lo'opi,

nache ỹataqta qaỹoqchiguingui naqa'en so lliguiñi so na'arau.

₄Qalaxaye Ñim Nataxala' maye nalochiguiñi da lataxac,

aỹem isoueeguesop so lcoñetaxanaxat na qauemaicpi.

₅Ñaq ỹe'eguelaq qome, lỹatec da la'aloxo 'enauac nam saiuoten ye Sión.

₆Nache 'eeta'am qome aca huoue maye netalec ca nỹec l-laq,

maye deqaqa da ñaq taỹa'a da ñaxatec,

₇qataq saishet da nlaqchigui na lhuaq lauel cam nqattac,

qataq da ỹacoosop cam ỹaxattega't aca laqtapi.

₈Da huo'o ca nlectot nache saishet da, 'eeta':

«Da lchoxonnataxanaxa Ñim Nataxala' qami' taleguete qome,

souaxalec da le'enaxat Ñim Nataxala' da qami' taleguete qome naqa'en da lchoxonnataxanaxa.»