Ezeq 30

₁Lhawuk tahuy n'oyej wet yok:

₂–Hin'o, en ämeta olhämet. Is chik lhok, “Dios lhämet yok,

₇“Egipto häpkhila honhat tä wichi newahi, inuhlatpe iyhäj honhatil tä ts'anis, wet laka hupuy tä wasiche tafwayhlatpe iyhäj honhates tä pajche wasiche. ₈Wet chik owunhiyeja Egipto, wet nilhokhiyeja häp wichi tä lhaip'ajtej tä nofwiyeja, wet häp tä nech'e lhamel ihanhiyeja tä olham tä ohäpe Dios tä matche.

₉“Chik nichäthiyela lewhäy tä otasin Egipto, wet ochenla wichi tä i'pe lewomekitaj tä ihiche barcos, häpkhilek istun häp wichi tä ihi Etiopía tä lhamel fwetaj ninowaya, wet häp tä lhamel y'inhiyejena lenowayhyaj. Tsi mathichela, nek t'at ifwala tä Egipto lewit'äyhyaj.”

₁₀Dios yok:

–Olham okhajyenla Nabucodonosor, häp Babilonia kaniyat, häpkhilek ihämit Egipto lakäywet tä wuj tä hiw'en. ₁₁Lham yikhila, wet lhäy'ehila häp laka sip'älis tä hich'atej tä lajit lep'altsenyaja, häpkhilek iwasthi Egipto. Lhamel ichäjlawethä lefwajnhates wet inuhiyela Egipto, wet wujla n'op'itseyhay tä ihihila honhat. ₁₂Oy'imhatla tewokitaj wet oyachajiyela honhat häp wichi tä lakeyis matche tä ni'isahen. Wet wichina tä lhamel tälhe honhatil iyhäj, one'tehlak iwasthi honhat lhäy'e nilhokej m'ak tä ihi. Olham tä ohäpe Dios tä matche olhämet täja.

₁₃“Otifwiyeja n'ocheyälis wet oyämlat nofwej häp dios lhayis tä kamatachehen tä ihi Menfis. Wet Egipto nemla iche hin'o chik laka niyat, wet oyämla wuj wichi lenowayhyaj tä ihi honhattso. ₁₄Owasthihila Egipto lhip tä tumej tapinhiye, wet owunhiyeja häp hupuy tä Soan, wet otihiyeja okalelhthayaj tä owäkw häp Tebas. ₁₅Wet owohla ka'tshayajayej Sin, häp honhat tä Egipto lhip tä wuj tä takhajay, wet oyämla nofw lakäywet tä hiw'en häp Tebas. ₁₆Wet owunhiyeja Egipto, wet Sin lheley äytajichela leteläythayajay tä iyej, wet elhpej ifwoynhihopeja n'olafwek tä tuntey tä ilunej Tebas, wet õ'nuhiyela ifwalahi häp Menfis. ₁₇Wet mamses tä lew'et On wet lhäy'e mamses tä lew'et Bubastis, õ'länhihena lhamel tä ihi n'oka'tshayaj, wet iyhäj wichi häp tä õ'chäjla tä õyen kwenkaya. ₁₈Olham otäyhthila häp Egipto lakhajyhayaj wet nemla lhaichäjejlhi lewujyaj. Chik nichäte lewhäytso, wet ifwala nemla isi tä ihi Tafnes, wet pule tä nämla wujlak hip'o'pe Egipto, wet wichi tä ihiche lew'etes õ'chäjiyela n'okwenkanyaj. ₁₉Wet olham ow'enhihola lewit'äyhyaj häp Egipto, wet häp tä laka wichi ihanhiyeja tä olham tä ohäpe Dios tä matche.”

₂₀Häp nekchäm tä once tä olhamel oihi Babilonia tä häpe honhat tä ka'ow'eta, wet iwel'a tä ichunpe häp nekchäm, wet ifwala tä siete, wet häp tä Lhawuk tahuy n'oyej wet yok:

₂₁–Hin'o, otäyhat naji Egipto kaniyat lakhajyhayaj, tet iwoye chik onäk'äs takwey. Wet nemhit is, ihichet'a hin'o chik iwo chaya wet tek yäyitpe, wet niyat nemhit ihanej iwoyneja chik itsok lefwajnhat. ₂₂Wet häp tä olham tä ohäpe Dios tä matche oyok, Oyen otayhfwaya Egipto kaniyat. Olhoknhiyeja takweyey tä onäksihena, häp takwey elh tä is wet lhäy'e häp takwey elh tä pajche ichä, häpkhilek nichät'atchä lefwajnhat tä ihi takwey. ₂₃Ofwtsatkatla'pe honhatil iyhäj häp Egipto lheley, wet lhamel lhahiyeja wichi tä w'enha lhamejen. ₂₄Wet ow'enhihola lakhajyhayaj häp Babilonia kaniyat takweyey, wet otihihila takwey häp olham ofwajnhat. Mat häp Egipto kaniyat onäksihena takweyey, wet ihihila t'at tä letayhfwa tatache tä pitsajiyejela lelätsek tä äytaj tä ilät. ₂₅Ow'enhihola lakhajyhayaj häp Babilonia kaniyat takweyey, wet ok'efwyenhichehena Egipto kaniyat takweyey. Wet chik otihihila ofwajnhat häp Babilonia kaniyat takwey häpkhilek tatayejlä Egipto, häp tä nech'e lhamel ihanhiyeja tä olham tä ohäpe Dios tä matche. ₂₆Ofwtsatkatla'pe honhatil iyhäj häp Egipto lheley, wet lhamel lhahiyeja wichi tä w'enha lhamejen. Wet häp tä nech'e lhamel ihanhiyeja tä olham tä ohäpe Dios tä matche.