Isa 64

₁¡Lhäy'e lhip tä is chik lech'esaj pule

tä lhen haw'eta wet lenuhchä!

¡Oyenek wachuhiche t'at chenhas chik mälhyejtso!

₂Tehin'et iwoye itäj tä hip'o hon'al,

wok tehin'et iwoye inät

tä nawayhi tä õ'ti'pe itäj.

Chik mälhhiyejtso tä alepäyne atayhfwas,

elat nitäfwel amej,

wet wichi tä i'pe honhat elat noway ame.

₃Ifwalas tä pajche p'ante

lhenlhi m'ayhay tä äyteschehen

tä leselkatejen olhamel ochätilis.

¡Lenuhchä p'ante wet chenhas w'ahuye tä aiw'en!

₄Ihichet'a ifwalak wichi hiw'en wok ilätch'oye

dios tä te iwoye am tä lhenlhi m'ayhay

yämthilek letach'ote wichi tä t'ekha ame.

₅Am letachumlä elh tä akäjejlhi

tä iwoye m'ak tä is alhoho

wet tek hip'ethatlä tä iwoye t'at

m'ak tä lehuminche.

Awäk ihi tsi olhamel owoye och'isukyajay,

wet pitaj lewhäy tä oaiwäkyhayen.

₆Nilhokej olhamel okokhayaj ihi t'at.

Nilhokej m'ayhay tä ofwetaj is tä owoye

tet iwoye wesaj tä tach'oy.

Nilhokej olhamel otet iwoye

hal'ä w'oley tä tamchäy, onchätchet katsi,

wet och'isukyaj iton olhamel tet iwoye yafwthitaj.

₇Wet nehit katsik t'än hach'oye

wok lhaikhajyen tä lhaip'ajtit amej.

Wet nemhit alepäyen n'oyehen,

tsi och'isukyaj tä tamen n'oyejen tä leleyej olhamel.

₈Mat Iwuk, ahäpe t'at olhamel Ojcha.

Olhamel ohäpe t'at iyhät

wet am ahäpe Elh tä yenlhi.

Wet am t'at tä enek olhamel.

₉Iwuk, yej wujyen awäk,

wet yej lhen atichunhayaja

och'isukyajay yämlek tiyäj'attsiy.

Lhek yahin, olhamel ohäpe t'at aka wichi.

₁₀Honhat tä amajchet

athana häpe t'at ts'anis,

wet Jerusalén nemhit wichi ihi, wasi t'at.

₁₁Wet Haw'et tä Amajchet tä isilataj

tä häpe hup tä olhamel ojchalis

ihi p'ante tä n'okwi amej,

noj t'at tä wichi iwunho.

Nilhokej m'ayhay tä wuj tä olhamel ohumin

wasiche t'at.

₁₂Iwuk, tä lew'en nilhokej tähestso,

¿hä niwohit m'ak chik lewohiyela?

¿Hä ämet ihichet'ala,

wet lajit lepesa tä lew'en n'ohohen olhaklis?