Hin'o t'alhe Dios che ifwayhtej letayhfwas
1Dios, owak'alh t'at
yämthilek oten otenkay tä oaiwunit.
On'omhila,
2oneyhiphälak nech'e fwamlafwaj,
otchumhiyela oka arpa
häpkhilek oyenlhi música,
3wet owunthila amej otenkay, Iwuk,
che oiyej wichi tä i'pe honhat.
4Tsi wuj ahumnhayaj,
niwohit elh enhay che häpek w'awulhi,
wet wuj afwtihyaj yäk nichät puleye.
5¡Dios, awujyaj i'pe pule
wet tapoyej honhat!
6Ch'ahu n'oyehen, fwayhat n'ohen
häp tä isej akhajyhayaj tä wuj.
Fwayhthen häp wichi tä lehumnhen.
7Tä Dios ihi Lew'et tä T'amajchet, yokwe lhämet:
“Okäjyaj ihi, tsi och'esajihena
honhat tä Sikem tä okalhi,
wet ow'enhihomchela lhipey oka wichi
häp honhat tä w'awulhchä tä lhey Sukot.
8Olewuk t'at Galaad lhäy'e Manasés,
wet Efraín tet iwoye okawon'a tä hip'o'pe olhetek,
wet Judá tet iwoye otsut tä häpe oniyatyaj.
9Moab tet iwoye inät tä olej lhamej lehi,
wet Edom oyenla onisäjw'eta tsi olewuk t'at,
wet ofwitsenhiyeja che ot'än tä okalhi Filisteo lhayis.”
10Dios, ¿atsihilak ihän n'oye
hupuy tä takhajay n'olafwek tä lep'ot?
¿Atsihilak ihän n'oye Edom?
11Tsi am lele n'oyejen,
wet nemhit lhekche olhamel oka nifwotas.
12Ch'ot n'oyehen tä ottayhlä otayhfwas,
tsi oisiyejt'a hin'o lech'otyaj.
13Mat Dios lech'otyaj häpkhilek n'aisej
yämthilek y'awoye m'ayhay tä äyteschehen,
tsi lhamlak hip'ajtitchä lhatayhfwas.
