“Tä kamaj oläy owunthila Lhawuk”
1¡Lewujyaj ihi Lhawuk!
Owunthila häp Lhawuk imälhewek ohusek.
2Tä kamaj oläy owunthila häp Lhawuk,
otenla otenkay tä owujyen oka Dios
tä kamaj oihonhatena.
3Yej t'ekhaye hin'ol tä len'ohyajay ihi,
tsi hin'ol t'at,
ihanhiyejt'a iwoyneje yämthilek ifwayhat elh.
4Wet y'inhen, yachajo tä honhat t'at,
wet noj häp m'ayhay tä iwaklhat yämthilek iwoye.
5Letamsek ihi elh tä yen lech'otfwaya Lhawuk
wet itiyejpej t'ekhahyaj
häp Dios tä Jacob laka Dios.
6Lham yenlhi pule lhäy'e honhat,
lhäy'e lewomekitaj,
lhäy'e nilhok m'ayhay tä ihiche,
wet iwohit'a elha lhämet tä pajche iwoye.
7Lham tach'ote wichi tä õ'lhaklitwethä,
wet hiw'enhomche lhäk häp nehläs länhay.
Lhawuk inuhatchephä wichi tä õhp'ohiche,
8wet hiw'enyenchehen honhat häp asnamis.
Lhawuk ineyhatchephä wichi tä laj lakhajyhayaja,
wet ihumin iyhäj tä isen.
9Lhawuk t'uyehen wichi tä w'enha lhamej,
wet hiw'enho lhäk tesalis lhäy'e chipenhas,
mat iwetahayen häp wichi tä ni'isahen.
10Lepes ihichet'ala Lhawuk leniyatyaj.
Jerusalén lheley, aka Dios leniyatyaj ihihila
pajla'tha tiyäj'attsiy.
¡Lewujyaj ihi Lhawuk!
