Salmo|Sal 43

₁Dios, ti n'oyej akalelhthayaj tä is alhoho.

Ch'ot n'oye wet tayhlä wichi tä keyis länhay.

Fwayhat n'oyej hin'ol tä w'et yämwethä

lhäy'e tä ni'isahen,

₂tsi ahäpe oka Dios wet let'u n'oye.

¿Chipte tä lewomn'o?

¿Chipte tä ofwitajayaj ihi

wet otayhfwas ilhaklitn'o?

₃Chen n'oye aka isi lhäy'e m'ak tä matche,

häpkhilek ipäyen n'oye n'äyij

tä tiyäje chenaj tä amajchet tä häpe Haw'et.

₄Häpkhilek onchäte aka altar, Dios,

wet otchuma oka arpa tä owunit ame,

tsi ahäpe Dios tä hiw'en n'oho okäjyaj.

₅Wet oyok, ¿Chipte tä ofwitajayaj ihi?

¿Chipte tä olhak'alhi?

Is chik otiyej onihayaj Dios

wet olehiyejt'a tä owunit.

Lham häpe oka Dios wet Ofwayhthi.