Salmo|Sal 76

₁Wichi tä ihi Judá

wuj tä nitäfwelej häp Dios,

wet Israel lhayis itoyench'oye häp lhey.

₂Dios yen Lew'eta Jerusalén

wet i'pe chenaj Sión,

₃wet häp tä ihi naji tä inäksen

n'olutses tä n'oka'tshayajchal,

lhäy'e n'ofwamthis, n'ofwajnhates,

lhäy'e n'och'ähal.

₄¡Dios, am tä awujyaj ihi!

Lenu'pe chenhas tä nittäya.

₅Lesoyej takwelheley häp iyhäj tä takhajayhen,

wet niwohit m'ak che lhamel isej.

¡Imähen t'at wet nemhit n'omhen!

₆Tä ahäpe Jacob laka Dios,

len'äyejo m'ak tä lhamel fwetaj iwoye,

wet akhajyhayaj itsokwethä

laka kaletas tä laka'tshayajchal

lhäy'e lew'utey yel'atas.

₇¡Matche tä han'ohyaj ihi!

Che am lewoye awäk,

nehit katsik tafwayej.

₈Tä lhe puleye,

lhäme naji akalelhthayaj,

wet tä honhat iläte,

wuj tä noway ame wet yok tam.

₉Tsi lenephä wet lewoye

akalelhthayaj tä is alhoho,

wet lefwayhat nilhokej wichi

tä w'et m'ayhayhas t'at tä ihonhatena.

₁₀Hin'o lewäk nemhit häpe lewäk,

mat nech'e aiwujyen.

Wet tejlak lhimphaj lewäk che kamaj imälheyej,

lep'ajthihila.

₁₁Untejche ämet häp Lhawuk Dios wet matitche.

Wet amel tä lheyayej

häp lham Dios tä len'ohyaj ihi,

is che lehänaye m'ak tä lhen t'awayhtesa.

₁₂Tsi lham isoyej lew'atshancheyaj häp niyatey,

wet iwo lenowayhyaja häp reyes tä ihonhatena.