Salmo|Sal 82

₁Dios nephä wet takasit tä ipuleye,

itiyej lakalelhthayaj häp dios lhayis wet yok:

₂“¿Atsihila ifwalak leleyej tä lewo akanyaja

tä lefwetaj le'isyen alhoho m'ak che häpe,

wet tajlhamat wichi tä ni'isa tä letach'otaye?

₃¡Ch'otaye elh tä nitkhajaya lhäy'e chipenaj!

¡Ch'otaye elh tä p'elitsaj tä iwatlä m'ayek!

₄¡Fwayhtej lewit'äyhyaj

iyhäj tä nitkhajayahen wet p'elitses,

yämthilek tafwayej wichi tä ni'isahen!

₅“Mat tek letäfwelayej wet tek lehanayej,

wet lewoyaye t'at m'ak tä ni'isa.

Häp tä tamenej tä nemhit iche

m'ak che is alhoho che ihi honhat.

₆Wet oyok, Amel ahäpehen dios lhayis

wet ahäpehen t'at Dios tä N'owujtaj leles.

₇Mat let'inhihena,

atehlat iwoye hin'ol tä y'inhen.

Lefwitla akapes,

atehlat iwoye niyatey tä ihi honhat

tä ifwit lakapes.”

₈Dios, kelit, wo akalelhthayajayej honhat,

tsi Alewuk t'at nilhokej wichi tä i'pe honhat.